Taal

Teken In

Verjaarsdae

Sondag, 15 Oktober

Jean Lombard

Rizanne Du Preez

Maandag, 16 Oktober

Francois Serfontein

Michelle Coetsee

Dinsdag, 17 Oktober

Hilmer Backer

Colette Heunes

Richard Bird

Nathan Von Ronge

Jonita De Villiers (70)

Ria Bosman (81)

Woensdag, 18 Oktober

Morné Viljoen

Elsabé Coetzee

Marieta Reyneke

Koos Saayman (74)

Babsie Pretorius (77)

Donderdag, 19 Oktober

Henk De Weerdt

Vrydag, 20 Oktober

Sanette Schutte

Etienne Van Der Merwe

Saterdag, 21 Oktober

Danelle Du Toit

Chris Turner

Dawie Du Toit

Chris Hattingh

 

Ons doelwitte

Om God met alles wat ons is en het en doen te verheerlik

Ons glo dat ons deur Christus gekies en vrygekoop is sodat ons God hier op aarde kan verheerlik (Efesiërs 1).

Daarom moet alles wat ons doen daarop gerig wees. Ons hele lewe moet dus 'n ere-diens aan God wees. Hiertoe wil ons onsself toerus en mekaar daartoe aanspoor.

Om die eenheid wat die Gees tussen gelowiges gesmee het te laat groei

Ons glo dat Jesus die Hoof (kop) is en ons sy liggaam. Die Heilige Gees bind ons aan mekaar, gelowiges moet hierdie band bewaar en uitbou (Efesiërs1 en 4). Die wêreld sal weet dat ons Jesus se volgelinge is as ons mekaar liefhet (Johannes 13). As daar nie liefde is nie beteken alles wat ons doen niks (1 Korintiërs 13). Ons werk dus doelbewus daaraan om die liefde onder ons te laat groei.

Om meer en meer die beeld van Christus in hierdie wêreld te vertoon

In 1 Korintiërs 3:18 staan 'Ons word al meer verander om aan die beeld van Christus gelyk te word. Die heerlikheid wat van ons uitstraal, neem steeds toe. Dit doen die Here wat die Gees is.' Wanneer die Heilige Gees ons nuut gemaak het, werk Hy ook in ons om hierdie nuwe lewe in ons te laat groei. Daarna wil ons strewe in ons gemeente.

Om die gawes wat die Gees aan ons gee te ontdek en dit tot sy eer aan te wend

Elke lidmaat het 'n bepaalde funksie waarvoor God hom/haar in die gemeente wil gebruik tot opbou van sy liggaam. Ons wil die ruimte skep dat elke lidmaat sy of haar gawes kan ontdek en uitleef soos die Here dit wil hê.

Om die evangelie uit te dra na hulle wat Christus nie ken nie of wat ver van Hom af leef

Die opdrag wat Christus aan sy dissipels gegee het om die evangelie uit te dra (Matteus 28) geld ook vir ons. Dit is waarvoor Hy ons geroep en gered het. Ons rus lidmate toe om die evangelie in hulle lewe uit te dra en pak ook konkrete aksies aan om hierdie blye boodskap aan 'n honger en dors wêreld te bring.