VOORBIDDING GROEPIE - UITNODIGING
Julle word uitgenooi om aan te sluit by 'n groepie vir voorbidding - elke 2e Donderdag. Selfs as jy nie kans sien om hardop te bid nie. Ons gaan een groepie in die dag hê en een in die aand.
Vir meer inligting - kontak Lizette.

SOP VIR DIEPSLOOT KLEUTERSKOOL
Baie dankie aan almal wat so getrou sop voorsien. Onthou asseblief dat die kleuterskool nie gedurende die Junie/Julie-vakansie sluit nie en dat sop dan veral baie waardeer word vir honger magies in die koue. Ekself sal nie vanaf 20 Junie tot 10 Augustus beskikbaar wees nie, maar kontak asseblief vir Hanli van der Spoel by telefoon 083 628 0096 vir enige inligting in my afwesigheid.

KOM STAP SAAM!
Wie wil nog altyd die Visrivier Canyon stap??? Hier is jou kans! Kom stap saam 14 – 21 Junie 2020. Indien jy belangstel stuur jou kontak besonderhede na Hierdie e-posadres word van Spambotte beskerm. Jy moet JavaScript ontsper om dit te lees. en ek verskaf jou all die inligting. Spring gou die groep kan maksimum 12 wees, en 6 is reeds tentatief gereserveer. Kobus Bisschoff.

FINANSIËLE HULP WORD BENODIG
• SKADE IN MOSAMBIEK AGV SIKLOON IDIA
Ons is almal bewus van die geweldige stormskade in Mosambiek, veral by Beira en omgewing, en dat mense tans in groot nood verkeer.
• NOODTOESTANDE IN OLIFANTSHOEK EN OMLIGGENDE STREKE
Ons is almal bewus van die uitmergelende droogte wat in die Noordkaap heers en dat mense tans in groot nood verkeer.
• ANDRÉ ALBERTS MEDIESE ONKOSTES
André is 'n GKR wyksleier by Cheshire Homes en moet dringend operasies ondergaan. Indien jy wil bydra tot sy mediese onkostes sal dit wonderlik wees.
• GARETH REHABILITASIE ONKOSTES
Een van ons lidmate by Cross Culture Church het 'n paar weke gelede erken dat hy verslaaf is aan heroïne. Ds. Thomas stap die pad saam met hom (saam met nog iemand wat voorheen aan heroïne verslaaf was.) Hy is die afgelope naweek opgeneem in 'n goedgekeurde rehabilitasiesentrum in Linden (Tranquility Home Rehabilitation Clinic). Die kostes verbonde aan hierdie proses is baie hoog. Dra asseblief hiertoe by indien jy voel dat die Here dit op jou hart druk. (Na die proses sal ons ook ernstig op die uitkyk moet wees vir 'n werkie vir hom – dalk kan jy daarmee help.)