Ida Kruger het die afgelope Woensdag ʼn skoueroperasie ondergaan. Ons dank die Here, saam met haar, dat dit geseënd afgeloop het en sy reeds al verligting van pyn ervaar.

Ons maak met hartseer bekend dat Jan Greyling die afgelope Dinsdag oorlede is in die Flora Kliniek. Hy is behandel vir infeksie in die hartklep, maar sy algehele toestand het dramaties verswak. Mag die Here vir Hannatjie, Arnold en Linda in hierdie tyd vashou en troos. Ons dank die Here vir sy troue diens in sy koninkryk.
Die begrafnisreëlings is soos volg:
DV Maandag 1 April om 10:00 vind die ter aarde bestelling by Wesparkbegraafplaas plaas. Ds Charl sal die verrigtinge waarneem en om 11 uur die troosdiens deur ds Nico Botha by die Bergbrongemeente h/v Schoongesichtweg en Drakensbergweg, Bergbron.

Eisse van Hoving se broer is die afgelope week oorlede in Nelspruit. Mag die Here hulle hele familie troos.

Mabel Venter se ma is verlede Saterdag oorlede. Ons bid vir hulle die vertroosting deur die Here toe.